你有冇諗過死？
又有冇諗過點樣趁死做多少少嘢控訴下暴政、寄語下香港人，等自己死得有意義啲？
坦白講，由幾年前我已經諗過。但每當我去到最想死時，我會忍唔住諗「點解呢個世界咁敗壞，我去到想死都仲要諗點救？」、「點解我已經痛苦到要死，仲要諗其他人之後嘅事？」
唔知凌杰打算去死嗰時，係點樣決定日期、時間、地點，點樣準備好自己嘅造型，點樣準備好橫幅、寫上遺言、拎埋膠紙黐上去
到底要幾愛一個地方，幾愛呢班人，先會有心機準備好咁多嘢先去死？
我講呢啲絕對唔係鼓勵大家以同樣方式殉國
只係希望大家唔好忘記
香港人走到今日，係因為有人連死時都顧念你哋，甚或係為咗喚醒你哋而死
對於長期萌生死念嘅朋友，我想同你講：
請你千萬唔好對於自己冇選擇以死控訴而感到羞恥，努力活下去就已經係勇氣嘅證明
盡力醫好自己，喺能力範圍內為拯救香港而努力，就係最對得住死去嘅手足嘅生存方向
多謝你，凌杰
我哋會繼續努力
Search